“ოქროს შუალედი” საუკეთესო დრო ბილეთის შესაძენად

ბილეთის ყველაზე დაბალი ფასი ჩნდება იმ პერიოდში, როცა რეისი უკვე გახსნილია და გაყიდვები დაწყებულია, მაგრამ ადგილები ჯერ არ არის შევსებული. ამ ეტაპზე ავიაკომპანიები ამცირებენ ტარიფებს, რათა სწრაფად შეავსონ რეისი, ხოლო შენ ჯერ კიდევ გაქვს არჩევანი სხვადასხვა ვარიანტს შორის. სწორედ ეს შუალედი გაძლევს შესაძლებლობას იგივე რეისი იყიდო უფრო დაბალ ფასად, ვიდრე დასაწყისში ან ბოლო ეტაპზე.

ევროპის მიმართულებები

ევროპაზე საუკეთესო დრო არის 3–6 კვირით ადრე. განსაკუთრებით აქტიურ მიმართულებებზე, როგორიცაა საბერძნეთი,სტამბოლი და პოლონეთი, ფასები სწორედ ამ პერიოდში იკლებს. Wizz Air და Ryanair ხშირად სთავაზობენ იაფ ვარიანტებს ქუთაისის აეროპორტიდან, მაშინ როცა თბილისის აეროპორტიდან არჩევანი მეტია, მაგრამ ფასები შედარებით მაღალია.
მაგალითი: ქუთაისი → მილანი

• 5 კვირით ადრე → 50–80€
• 4 დღით ადრე → 110€+

გრძელი ფრენები (ამერიკა, აზია)

გრძელ დისტანციებზე ოპტიმალური დრო არის 1–3 თვე ადრე. აქ რეისები ხშირად სრულდება გადაჯდომით — მაგალითად სტამბოლის ან დოჰას გავლით. Turkish Airlinesდა Qatar Airways-ის ფრენები ძირითადად სრულდება თბილისიდან და გამოირჩევა სტაბილური ფასებით, თუმცა ბოლო კვირებში მკვეთრად ძვირდება.
მაგალითი: თბილისი → ნიუ-იორკი

• 2 თვე ადრე → 550–700€
• 1 კვირით ადრე → 900€+

რეგიონული და მეზობელი ქვეყნები

მოკლე ფრენებზე (თურქეთი, არაბეთის გაერთიანებული საემიროები, ისრაელი) საუკეთესო დრო არის 2–4 კვირით ადრე. აქ ფასები სწრაფად იცვლება, რადგან რეისები სწრაფად ივსება. Pegasus Airlinesაქტიურად ოპერირებს როგორც თბილისიდან, ისე ნაწილობრივ რეგიონიდანაც.
მაგალითი: თბილისი → სტამბოლი

• 3 კვირით ადრე → 90–120€
• 2 დღით ადრე → 160€+

სეზონური მიმართულებები

თუ მოგზაურობა ემთხვევა მოთხოვნად პერიოდს — ზაფხული, ახალი წელი ან დღესასწაულები — ოქროს შუალედი იწევს წინ.

• ევროპა → 1.5–2 თვე ადრე
• გრძელი ფრენები → 3–4 თვე ადრე

ამ დროს განსაკუთრებით დატვირთულია როგორც თბილისის აეროპორტი, ქუთაისის აეროპორტი,ისე ბათუმის აეროპორტები რაც პირდაპირ ზრდის ფასებს.